Қазақстан Республикасы Оқу-ағарту министрінің 2022 жылғы 14 қаңтардағы №26 бұйрығына сәйкес, сондай-ақ Ж. Жабаев атындағы №4 мектеп-гимназиясының ішкі тәртіп ережелері негізінде оқушылардың мектеп формасына қойылатын талаптарды назарларыңызға ұсынамыз.
Мектеп формасы – білім ордасының ішкі тәртібі мен корпоративтік мәдениетінің маңызды бөлігі. Сондықтан барлық оқушылардың белгіленген талаптарға сәйкес мектеп формасымен келуі сұралады.
Негізгі талаптар:
Форма классикалық үлгіде, қою көк түсті болуы тиіс.
Ішкі киім – ақ түсті ұзын жеңді көйлек/жейде.
Галстук – қою жасыл түсті, мектеп логотипі тек галстукке орналастырылады.
Қыз балалардың юбкасының ұзындығы тізеден жоғары болмауы тиіс.
Ұл балалардың шалбар балағы тобықты жауып тұруы қажет.
Аяқ киім – классикалық қара түсті.
Дене шынықтыру сабағына арналған аяқ киімнің табаны ақ түсті болуы ұсынылады.
Мектеп формасы әрдайым таза, ұқыпты және үтіктелген күйде болуы тиіс.
Құрметті ата-аналар! Балалардың мектеп формасына қойылатын талаптарды сақтауға қолдау білдірулеріңізді сұраймыз. Бірлескен жауапкершілік – оқушылардың тәртіпті, ұқыпты әрі мектеп мәдениетіне сай қалыптасуына ықпал етеді.
Ізгі ниетпен,Ж. Жабаев атындағы №4 мектеп-гимназиясының әкімшілігі
