Жамбыл Жабаев атындағы «Балалар кітапханасы» жобасы аясында 23 сәуір – Ұлттық кітап күні мен Кітапханашылар күні мерекесіне орай ұйымдастырылған «Артық білім – кітапта...» атты кітап апталығының онкүндігі өз жалғасын табуда.
Осы игі бастама аясында «Кітап – білім бұлағы» зияткерлік күніне арналған челленджді 5 «Б» сынып оқушылары бастап кетті.
Кітап – адамзаттың асыл қазынасы, білімнің қайнар көзі, рухани байлықтың алтын көпірі.
Жас ұрпақтың кітап оқуға деген қызығушылығы – жарқын болашақтың кепілі. Осындай тағылымы мол шаралар арқылы оқушылардың кітапқа деген сүйіспеншілігі артып, танымы тереңдей түседі.
5 «Б» сынып оқушыларының бұл бастамасы – білімге ұмтылудың, кітапқа деген құрметтің жарқын көрінісі.
Барша оқушыларды челленджге белсенді қатысуға, кітаппен дос болуға, ізденіске ұмтылуға шақырамыз!
