Мектебімізде 9-сынып оқушыларына арналған кәсіптік бағдар беру жұмысы аясында Астана қаласы әкімдігінің "Техникалық колледжінің" өкілдерімен кездесу өтті.
Кездесу барысында оқушыларға колледждегі білім беру бағдарламалары мен сұранысқа ие мамандықтар туралы кеңінен ақпарат берілді. Атап айтқанда, бағдарламалық кешен операторы, машина жасау технологиясы, сандық бағдарламалық басқарылатын станоктар операторы, кең бейінді станокшы, техник-механик, лифт және эскалатор қызметі сияқты мамандықтар таныстырылды.
