Бүгін мектебімізде оқушыларға арналған танымдық жиналыс өтті.
Кездесуге:
🔹 Балаларды психологиялық қолдау орталығының бөлім басшысы – Тукеев Асхат Нұрбекұлы
🔹 "Байқоңыр" ауданының прокуроры – Берғалиұлы Қазбек
🔹 "Байқоңыр" ауданының учаскелік полиция майоры – Омаров Нәби
🔹 Жасөспірімдер инспекторы – Ратова Сымбат Рахманбекқызы қатысты.
Оқушыларға құқықтық тәрбие, қауіпсіздік ережелері, жауапкершілік пен өзара сыйластық туралы маңызды ақпарат берілді. Балалар көкейлеріндегі сұрақтарына жауап алып, пайдалы кеңестерге ие болды.
☝️ Жиын барысында ерекше атап өтілген жайттар:
• Қылмыстық жауапкершілік – бұзақылық, күш қолдану, қаруды заңсыз пайдалану ауыр қылмыс болып саналады.
• Ата-аналардың жауапкершілігі – жасөспірім заң бұзса, бұл отбасыға да әсер етеді.
• Мектептен шығару жағдайы – төбелеске қатысу, тыйым салынған заттарды сақтау білім беру ұйымынан шығаруға себеп болады.
• Көмекке жүгіну – қиын жағдайда жалғыз қалмау керек. 111 байланыс орталығы, мектеп психологтары мен ұстаздар әрқашан қолдау көрсетуге дайын.
✨ Құрметті оқушылар!
Әрбір іс-әрекет – сіздердің болашақтарыңыздың кепілі. Заңды құрметтеп, жауапты болыңыздар.
Есіңізде болсын: дұрыс таңдау жасау – өзіңізді ғана емес, отбасыңызды да қорғау!
📌 Мектеп директорының кеңесі:
«Әрқашан сабырлы болыңыздар, өз қадамдарыңызды ойланып жасаңыздар. Кішкентай қателік үлкен өкінішке әкелуі мүмкін. Біз сіздердің жарқын болашақтарыңыз үшін әрқашан жанымыздамыз.»
