Бүгін сынып сағаттары аясында «Мен қарап тұрып, үндемедім… Ал сен ше?» тақырыбында мазмұнды әрі маңызды әңгіме өткізілді. Іс-шара «Буллингтен қорған!» жобасы аясында ұйымдастырылды.
Оқушылар буллингтің мәні, оның түрлері мен салдары, сондай-ақ қиын жағдайларда дұрыс әрекет ету жолдары туралы ақпарат алды. Оқушылар өз ой-пікірлерімен бөлісіп, бір-біріне қолдау көрсетудің маңызын түсінді.
Мұндай сынып сағаттары оқушылардың жауапкершілігін арттырып, жанашырлыққа тәрбиелейді және мектепте қауіпсіз, қолайлы орта қалыптастыруға ықпал етеді.
