Бүгін ұжымымызда маңызды жиналыс өтті
Кездесу барысында Қазақстан Республикасының жаңартылған Конституциясы, оның қоғамдағы орны мен әрбір азаматқа жүктейтін жауапкершілігі жан-жақты талқыланды. Ата Заңдағы басты қағидат - адам құқықтары мен бостандықтарының басымдығы, сондай-ақ Заң мен Тәртіптің үстемдігі екені ерекше атап өтілді.
Конституция - бұл жай ғана заңдар жиынтығы емес. Ол - мемлекет дамуының бағытын айқындайтын, ортақ құндылықтарымыз бен болашаққа деген жауапкершілігімізді көрсететін негізгі құжат. Жаңа редакциядағы Конституцияда «Адам - мемлекеттің ең жоғары құндылығы» қағидаты нақты бекітілді.
Маңыздысы - бұл құжат халықтың кең қатысуымен қабылданды. Азаматтардың ұсыныстары ескеріліп, ашық әрі әділетті мемлекетке нақты қадам жасалды.
Бірлік пен ынтымақ, Заң мен Тәртіп, әділеттілік, еңбекке құрмет, экологиялық жауапкершілік - енді мұның бәрі конституциялық деңгейде бекітілген құндылықтар. Ал бұл қағидаттар біздің күнделікті жұмысымызда, ұжымдағы қарым-қатынасымызда көрініс табуы тиіс.
Әрқайсымыз өз ісімізбен ел дамуына үлес қосып, заңдылықты, кәсібилікті және азаматтық жауапкершілікті берік ұстануымыз қажет.
Жаңартылған Конституция - еліміздің жаңару жолындағы сенімді қадам.
Ал сол жолды нақты істермен жүзеге асыратын - біз.
Бірлігіміз бекем, еңбегіміз берекелі болсын!
