2026 жылғы 3 тамызда жаңа 2026–2027 оқу жылында 1-сынып табалдырығын аттайтын бүлдіршіндердің ата-аналарына арналған жиналыс өткізілді.
Жиналыс барысында «Балақайлар мектебі» мектепалды даярлығының қысқамерзімді бағдарламасы аясында жүргізілетін жұмыстардың мазмұны жан-жақты таныстырылды.
Ата-аналарға:
2023 жылы Әдістемелік орталық базасында әзірленген, арнайы пән атаулары қарастырылмаған, мектепке бейімдеуге бағытталған бағдарлама;
2024 жылы Балаларды ерте дамыту институты әзірлеген, арнайы пән атаулары енгізілген мектепке даярлау бағдарламасы таныстырылып, олардың ерекшеліктері түсіндірілді.
«Балақайлар мектебінің» негізгі мақсаты – бірінші сынып оқушыларының мектеп өміріне табысты бейімделуіне қолайлы білім беру ортасын қалыптастыру.
Бұйрықпен бекітілген бағдарлама бойынша жұмыс жүргізетін бастауыш сынып мұғалімдері:
Т. Маменова
Ж. Сегізбаева
Ж. Ибраева
А. Ильдебаева
Мектеп психологі А. Мошке ата-аналарға бірінші сынып оқушыларының мектепке психологиялық дайындығы, бейімделу кезеңінің ерекшеліктері және осы кезеңде балаға көрсетілетін ата-аналық қолдау туралы ағартушылық жұмыс жүргізді.
Жиналыс қорытындысында ата-аналар Балаларды ерте дамыту институты әзірлеген бағдарламаны қолдайтындарын білдіріп, балаларын осы бағдарлама негізінде оқыту жөнінде ұсыныс жасады.
Бала мүддесі – басты құндылық!
Осыған байланысты бірінші сынып оқушыларының мектепке табысты бейімделуін қамтамасыз ету мақсатында сынып жетекшілері, мектеп психологі және ата-аналар өзара ынтымақтастықта, бірлесіп әрі жүйелі жұмыс жүргізуге келісті
