Бүгін «Гүлдер» лагерінің қатысушылары үшін бастауыш сынып оқушыларының қарым-қатынас жасау дағдыларын дамытуға бағытталған қызықты әрі пайдалы психологиялық тренинг ұйымдастырылды.
Тренинг барысында балалар бір-бірімен еркін сөйлесіп, топпен жұмыс жасауға, өз ойын ашық жеткізуге, достық пен сыйластықтың маңызын түсінуге үйренді. Мұндай шаралар оқушылардың өзара жақындасуына, ұжымда жағымды психологиялық ахуал қалыптастыруға және жазғы лагерьге бейімделуіне үлкен көмегін тигізеді.
Балалық шақ — қуанышқа, достыққа және жылы естеліктерге толы ерекше кезең. Ал лагерь — балалардың жаңа достар тауып, өз қабілеттерін ашатын тамаша ортасы.
Тренингті педагог-психолог Куатбекова Фариза және педагог-ассистент Абуталіпқызы Аяулым өткізді.
«Гүлдер» лагерінің әр күні — балалар үшін жаңа мүмкіндік, жаңа әсер және жаңа достықтың бастауы!
