Оқушылардың шығармашылық қабілетін шыңдау, әдебиет пен өнерге қызығушылығын арттыру, өлең жазу мен ақындық қасиеттерін дамыту мақсатында Астана қаласы әкімдігінің «Астана дарыны» дарынды балалар мен талантты жастарды анықтау және қолдау орталығы 2025 жылдың 24 қазанында республикалық «Мәшһүр Жүсіп оқулары» конкурсының қалалық кезеңін өткізді.
Мектебіміздің шәкірттері бұл додада тамаша нәтиже көрсетті:
«Білімді зерек болам десең, қара өзіңді басқаның айнасымен» эссе жазу номинациясы бойынша Бас жүлде — Шаттыққызы Айшат (жетекшісі Шалабаева А.А.)
«Алдыма өлең жаз деп қағаз келген, сөзімді сөйлеп бақтым мен де білген» ақындар мүшәйрасы номинациясы бойынша І орын — Қалдыбай Нұрғиса (жетекшісі Ақсисенова Г.К.)
«Бас болып өнер білсең, тіпті жақсы» ғылыми-зерттеу жобасы номинациясы бойынша ІІІ орын — Жасболатқызы Айсұлу (жетекшісі Узбен А.)
Жас дарындарымызды шын жүректен құттықтаймыз!
Алдағы республикалық кезеңде Айшат қызымызға зор табыс пен сәттілік тілейміз!
