Бүгін Астана қаласы әкімдігінің «Әдістемелік орталығы» ұйымдастыруымен Бауыржан Момышұлы атындағы №53 мектеп-лицейінде «Математика сабағында жасанды интеллект технологияларын тиімді қолдану» тақырыбында қалалық семинар өтті.
Семинар барысында:
математика сабағында жасанды интеллект құралдарын тиімді пайдалану;
функционалдық сауаттылықты дамыту;
PISA тапсырмалары;
цифрлық платформалар және AI технологияларын оқу үдерісіне енгізу жолдары талқыланды.
Сондай-ақ қатысушыларға ашық сабақтар мен практикалық шеберлік алаңдары ұсынылды.
Іс-шара аясында «Ой дамыту» қалалық математика пәні педагогтеріне арналған олимпиадасында жүлделі орын иеленген ұстаздар марапатталды.
ІІІ орын иегері Сарсекова Меруерт Ғабитқызыны шын жүректен құттықтаймыз!
Бұл жетістік — табандылықтың, кәсіби ізденістің және үздіксіз еңбектің нәтижесі.
Білім жолында аянбай еңбек етіп, өз шеберлігін үнемі шыңдап жүрген ұстаздарымызға шығармашылық табыс, жаңа жетістіктер және шабыт тілейміз!
Құттықтаймыз!
Әрбір жетістік — үлкен еңбектің нәтижесі!
