Бүгін мектебімізде «Мектебім – мейірім мекені!» атты салтанатты жиын өтіп, жаңа оқу жылының алғашқы қоңырауы соғылды.
Алғаш рет мектепке қадам басқан 1-сынып бүлдіршіндері үшін бұл күн мәңгі есте қалмақ. Олар үлкен отбасының бір бөлігіне айналып, білімнің кәусар бұлағынан сусындауға дайын.
Ән мен би, тақпақтар мен жүрекжарды тілектер айтылып, мерекелік көңіл-күйді еселей түсті.
Жаңа оқу жылы – жаңа мақсаттар мен асқақ арман-үміттің бастауы. Әр оқушының жүрегінде білімге деген құштарлық, ал ұстаздарымыздың жүрегінде шәкіртке деген мейірім ешқашан сөнбесін!
Баршаңызға сәттілік пен толағай табыс тілейміз! Жаңа оқу жылы құтты болсын!
