Бүгін, 30 қыркүйек күні, мектебімізде Өнер бірлестігі апталығы аясында ерекше шаралар өтті.
Таңертең оқушыларымыз «Микрофон сенің қолыңда» атты караоке сайысында ән айту шеберлігін көрсетіп, өнердегі таланты мен батылдығын паш етті.
Күннің екінші жартысында «Құрақтағы ұлттық құндылық» атты шеберлік сабағы ұйымдастырылып, оқушылар ата-бабамыздан қалған құрақ құрау өнерінің қыр-сырын меңгерді.
Сонымен қатар, қыш құмыра жасаудан өткен шеберлік сабағында оқушылар өз қолымен әсем бұйымдар жасап, шығармашылық шеберлігін шыңдады.
Бұл шаралар оқушылардың өнерге қызығушылығын арттырып, ұлттық құндылықтарымызды дәріптеуге үлкен үлес қосты.
