Бүгін, 2025 жылдың 24 қазанында, Жамбыл Жабаев атындағы №4 мектеп-гимназияда @4mektep_resmi «Педагогикалық серпін» жобасы аясында педагог-тағылымдамашылар үшін тәжірибе алмасуға бағытталған дөңгелек үстел өтті.
Тақырыбы: «Сабақ үдерісіндегі кедергілерді қалай жоямыз?»
Тренер: Б. Ғ. Ғалымжанов
Іс-шараның басты мақсаты — жас мамандардың кәсіби шеберлігін арттыру, оқыту процесіндегі қиындықтарды тиімді шешу жолдарын талқылау.
Дөңгелек үстел барысында педагог-тағылымдамашылар өз тәжірибелерімен бөлісіп, сабақ мақсатына сай түрлі деңгейдегі тапсырмаларды құрастыру, бағалау критерийлері мен дескрипторларды дұрыс қолдану, сондай-ақ тиімді кері байланыс орнату мәселелерін талқылады.
Тренер қатысушыларға сабақ талдаудың заманауи техникасын көрсетті;
Тиімді әдіс-тәсілдер арқылы оқыту сапасын арттырудың нақты жолдары ұсынылды.
Осындай кәсіби кездесулер жас мамандардың педагогикалық серпінін арттырып, олардың тәжірибесін байыта түсері сөзсіз!
