9, 10, 11-сынып оқушылары ұйымдастырған SECRET MASK BALL нағыз ертегі әлемін сыйлады. Әуен ырғағымен билеген жұптар, вальс пен бал билері кешті ерекше көркем етті. Маскалардың артында жасырынған күлкі, толқу мен шынайы сезімдер - бәрі де ұмытылмас әсер қалдырды
Бұл кеш жай ғана мереке емес еді.
Бұл - бірлік пен жанашырлықтың айқын белгісі болды.
Бал мектебіміздің 9 «Б» сыныбының оқушысы Хамзин Даниярды қолдау мақсатында ұйымдастырылған бұл шара - қиын сәтте жанынан табылып, жүрек жылуын сыйлай білген оқушыларымыздың үлкен адамгершілік қадамы. Мұндай іс шынайы құрметке лайық
Жаңа жыл қарсаңында өткен бұл қайырымдылық кеш бізге бір маңызды ойды еске салды: жақсылық жасау үшін үлкен себептің қажеті жоқ, тек ниет болса жеткілікті.
Даниярға күш-қуат пен сабыр тілейміз.
Ал барша оқушыларымызды келе жатқан Жаңа жылмен шын жүректен құттықтаймыз
Жаңа жыл әр үйге - үміт,
әр жүрекке - сенім,
әр қадамға - жарық әкелсін!
Бірге болайық. Бір-бірімізге тірек болайық.
Себебі шынайы сұлулық - жүректен басталады
