2026 жылдың 2 наурыз күні Астана қаласы Қорғаныс істер департаментінің бастапқы әскери дайындық жөніндегі инспекторы, запастағы полковник Жылқыбаев Есентай Жарқынбаевич 10–11 сынып оқушыларына арналған «Әскери оқу орындарына түсу» тақырыбында үгіт-насихат сабағын өткізді.
Сабақ барысында жоғары әскери оқу орындарына түсу тәртібі мен талаптары жан-жақты түсіндіріліп, оқушыларға мамандық таңдауда дұрыс бағыт-бағдар берілді.
Кездесу кезінде:
«Отан – отбасынан басталады»,
«Жерің барда ірісің, тілің барда тірісің, тіл мен жерден айырылсаң, өлген ұлттың бірісің»,
«Өз тілін, тарихын, салт-дәстүрін білмейтін адам Отанын да қорғай білмейді»
деген тағылымды ойлар негізінде жас ұрпаққа рухани-патриоттық тәрбие берілді.
Іс-шара барысында 2026 жылғы 17 ақпанда қала мектептері арасында өткен «Қар барысы – 2026» әскери-қолданбалы спорттық жарысында мектебіміздің ІІІ орын иеленгені ерекше аталып өтті.
Жүлдегер оқушылар:
Бейсенбаев Бексултан – 10Ә
Айбеков Оразбек – 10В
Мусабаев Мейіржан – 10Д
Юлдашев Алимжан – 10Д
І орын иегерлері – №8 мектеп-лицей оқушылары:
Абитаев Бауыржан – 11Ә
Уызбай Діннұр – 11Б
Тілеу Абылайхан – 11А
Қожамқұл Абдуррахман Мұратұлы – 11Б
Жарыс жеңімпаздары мен жүлдегерлері арнайы марапатталып, алдағы уақытта да биік белестерді бағындыруларына тілектестік білдірілді.
Аталған іс-шараны ұйымдастырған – алғашқы әскери және технологиялық дайындық пәнінің мұғалімі Б. Заманбекұлы.
