Елордалық жас дарындардың мәдени және шығармашылық қабілеттерін дамыту, сондай-ақ «Адал азамат» біртұтас тәрбие бағдарламасының «Шабыт» жобасын жүзеге асыру аясында өткен XIX қалалық «Шаттық – 2026» байқауында мектебіміз зор жетістікке жетті!
Вокалдық ансамбль жанры бойынша оқушыларымыз «Алтын» медаль иеленді!
Ансамбль жетекшісі – ән әлемінің дүлділі, шәкірттерінің жүрегінен ерекше орын алған Жұмашев Амантай Жұмашұлы. Оқушыларымыздың оны «Ән аға» деп атауы да бекер емес. Оның темірдей тәртібі, биік талапқа негізделген ұстанымы және өнерге деген шынайы жанашырлығы – әр шәкірт үшін үлкен мектеп.
Бұл жеңіс – қажырлы еңбек пен шығармашылық ізденістің жемісі!
Марапаттарыңыз құтты болсын! Шын жүректен құттықтаймыз!
Шығармашылық табыс, шалқар шабыт тілейміз!
