Жаратылыстану апталығы аясында 5–7 сынып оқушылары өздері алып келген бөлме гүлдерін таныстырып, гүлдердің ерекшеліктері мен адам өміріне пайдасы туралы қызықты жобаларын қорғады.
Іс-шара барысында оқушылар әр гүлдің өзіндік қасиеті, күтімі, пайдасы туралы мағлұмат беріп, бөлме гүлдерінің тек әсемдік үшін ғана емес, тазалық пен жайлылықтың, жақсы көңіл күйдің көзі екенін дәлелдей білді. Гүлдер әлемімен танысу арқылы олар табиғаттың ғажайып сырларын тереңірек түсініп, өсімдікке жанашырлықпен қараудың маңызын ұғынды.
Осындай танымдық жобалар оқушылардың ізденісін шыңдап, жауапкершілігін арттырады, шығармашылыққа баулиды. Табиғатты сүю — кішкентай қадамнан басталады. Ал бір тал гүлге қамқорлық жасау — үлкен мейірімнің белгісі.
